TALTES

"Talimarjon IES" AJda mehnat muhofazasi va xavfsizlik texnikasi qoidalariga rioya qilish madaniyatini yanada yuksaltirish maqsadida joriy yilning 1-iyunidan 1-iyuligacha "Xavfsizlik texnikasi ko‘rik oyligi" o‘tkazilmoqda. Mazkur oylik doirasida korxonada ishchi-xodimlarning hayoti va sog‘lig‘ini muhofaza qilish, ishlab chiqarishda baxtsiz hodisalarning oldini olish hamda har bir xodimda shaxsiy mas’uliyat hissini kuchaytirishga qaratilgan keng ko‘lamli targ‘ibot tadbirlari amalga oshirilmoqda. Ko‘rik oyligi doirasidagi asosiy tadbirlar: Targ‘ibot materiallarining tarqatilishi: Ish joylarida xavfsiz mehnat sharoitlarini yaratish va qoidalarga qat’iy amal qilishni eslatib turuvchi maxsus esdaliklar, ko‘rgazmali bukletlar va targ‘ibot materiallari xodimlarga ulashilmoqda. Interaktiv chellenjlar: Xodimlar o‘rtasida xavfsizlik texnikasini kundalik ish jarayonining ajralmas qismiga aylantirish maqsadida turli qiziqarli va motivatsion chellenjlar tashkil etilmoqda. Bu esa jamoada o‘zaro hamjihatlik va qoidalarga nisbatan hushyorlikni oshirmoqda. OAV va ijtimoiy tarmoqlarda yoritilishi: Korxonada olib borilayotgan ushbu tizimli ishlar, xodimlarning xavfsizlik qoidalariga qay darajada amal qilayotganligi va tadbirlarning borishi ommaviy axborot vositalari hamda rasmiy ijtimoiy tarmoq sahifalarida keng yoritib borilmoqda.