"TOLIMARJON IES" AJ BOSH DIREKTORINING TABRIGI
Aziz do‘stlar, qadrli hamkasblari!
Avvalo, barchangizni yangi 2023-yil bilan chin dildan muborakbod etaman.
O‘tgan 2022-yil barchamiz uchun esda qolarli voqealarga boy bo‘ldi. Yilni sarhisob qiladigan bo‘lsak, stansiyamiz miqyosida ko‘plab ishlarni amalga oshirdik. Ko‘zlangan katta maqsadlarimizga erisha oldik va yana ulkan marralarni oldimizga reja qilib qo‘ydik. Erishgan hamma yutuqlarimizda Siz, fidoyi xodimlaringizning mehnatlaringiz beqiyos va yangi yildagi rejalarimizni amalga oshirishda ham o‘tgan yilgidek birdamlikda mehnat qilsak, bu yil ham katta-katta yutuqlarga erishamiz.
Qadrli do‘stlar!
Kirib kelayotgan "Insonga e'tibor va sifatli ta'lim" yilida ham "Inson qadri" tamoyili ostida qilayotgan ishlarimizni davom ettirish bilan bir qatorda xodimlarimizning malaka oshirishlari va o‘z mutaxassisliklari bo‘yicha zarur bilimlarni egallashlariga ham alohida e'tbor qaratamiz.
Hurmatli hamkasblar!
Yana bir bora barchangizni kirib kelayotgan yangi yil bilan yana bir bora tabriklab, oilalaringizga tinchlik-xotirjamlik, xonadoningizga fayz-u baraka, o‘zingizga sihat-salomatlik tilayman. Bu yilda ham hamisha omad va zafarlar hamrohlik qilsin.
Olim Yusupov,
"Tolimarjon IES" AJ Bosh direktori.
22-DEKABR – ENERGETIKLAR KUNI MUNOSABATI BILAN “TOLIMARJON IES” AJ BOSH DIREKTORINING TABRIGI
Hurmatli hamkasblar, aziz do‘stlar!
Sizlarni barchamizning kasb bayramimiz – Energetiklar kuni bilan qizg‘in muborakbod etaman.
Sizning kasbiy mahoratingiz va mashaqqatli mehnatingiz bilan hamyurtlarimiz xonadoni yorug‘ va iliq haroratlidir. Hozirgi mas’uliyatli davrda belni mahkam bog‘lab, tun-u kun tik oyoqda qilayotgan xizmatingiz ulkan tahsinga loyiq.
Hurmatli energetiklar!
Bugungi sinovli kunlarda barchamiz birdamlikda, hamjihat bo‘lib mehnat qilsak, ko‘zlangan marralarga, albatta, erishamiz. Biz bir jamoa – katta kuchmiz. Bu esa Prezidentimiz ta’biri bilan aytganda “ u bo‘lmasa, umuman, hayotni tasavvur etib bo‘lmaydigan soha” energetika sohasini davlat iqtisodiyotining “motori” sifatida yanada rivojlantirib, baland rejalarni zabt etishimizga munosib asos bo‘la oladi.
Aziz do‘stlar!
Har biringizga, eng avvalo sihat-salomatlik, oilangizga farovonlik va muvaffaqiyat tilayman! Hamisha mashaqqatli mehnatingizning rohatini ko‘ring. Xonadoningiz tinch, kayfiyatingiz doimo bayramona bo‘lsin. Yana bir bor barchamizga kasb bayrami muborak bo‘lsin.
Olim Yusupov,
“Tolimarjon IES” AJ Bosh direktori.
8-DEKABR O‘ZBEKISTON RESPUBLIKASI KONSTITUTSIYASI QABUL QILINGAN KUN MUNOSABATI BILAN “TOLIMARJON IES” AJ BOSH DIREKTORINING TABRIGI
Aziz hamkasblar, qadrli jamoa!
Har bir davlat jahon sahnida o‘z o‘rniga ega bo‘lishida uning bosh qomusi – konstitutsiya muhim ahamiyat kasb etadi. Bizning Ona yurtimiz ham mustaqilikka erishgan ilk yillaridanoq o‘z ramzlari qatorida konstitutsiyasiga ham ega bo‘ldi.
O‘tgan 30 yil mobaynida undagi bob va moddalarga turli o‘zgartish va qo‘shimchalar kiritilib, ularning barchasi xalqimiz hayotini farovon qilishga xizmat qilib kelmoqda. Ayniqsa, joriy yil konstitusiyamizga kiritiladigan o‘zgartirishlar xalq muhokamasiga qo‘yilgani va yurtimiz ahlining fikrini inobatga olgan holda amalga oshirilayotgani O‘zbekiston tarixida unutilmas voqea bo‘ldi.
Mazkur jarayonda stansiyamiz jamoasi ham takliflarini bildirganligi korxonamizdagi har bir xodim o‘z kelajagiga befarq emasligi, yurtimiz siyosiy hayotida bo‘layotgan yangi o‘zgarishlardan xabardor ekanligidan dalolat beradi.
Aziz do‘stlar!
Barchangizni Konstitusiyamizning 30 yilligi bilan qizg‘in muborakbod etaman.
Qomusimizdagi har bir so‘z Yangi O‘zbekistonimizda inson qadrini ulug‘lashga xizmat qilaversin.
Olim Yusupov,
“Tolimarjon IES” AJ Bosh direktori.
11-NOYABR KASABA UYUSHMALARI KUNI MUNOSABATI BILAN "TOLIMARJON IES" AJ BOSH DIREKTORINING TABRIGI
Qadrli hamkasblar!
Hurmatli kasaba uyushmasi xodimlari!
Avvalo, siz “Tolimarjon IES” AJ kasaba uyushmasi qo‘mitasining barcha a’zolarini O‘zbekiston kasaba uyushmalari kuni bilan chin qalbimdan tabriklab, barchangizga o‘zimning ezgu tilaklarimni bildirishdan g‘oyat mamnunman. Korxonamizda ishchi xodimlarni ijtimoiy muhofaza qilish sohalarida ijtimoiy sheriklik imkoniyatlarini yanada kengaytirish, ta’sirchan jamoatchilik nazoratini o‘rnatishga oid tashabbuslaringizni qo‘llab-quvvatlaymiz.
Ayni paytda, respublikamiz miqyosida kasaba uyushmalari o‘z safida 5,5 million nafardan, viloyatimizda esa 510 ming nafardan ziyod a’zolarni birlashtirish barobarida, xalqimizning mehnatga oid huquq va manfaatlarini ta’minlashda yaqindan yordam berib kelmoqda. Ularning orasida stansiyamiz kasaba uyushma xodimlari ham inson qadrini ulug‘lash, ishchilarga munosib mehnat sharoitlari yaratish ishlarida bizga munosib ko‘makchi bo‘lib kelayapti.
Hurmatli kasaba uyushma xodimlari!
Sizlarni bugungi qutlug‘ ayyom – O‘zbekiston kasaba uyushmalari kuni bilan yana bir bor samimiy tabriklab, barchangizga tinchlik-xotirjamlik, sihat salomatlik, mas’uliyatli, sharafli va olijanob faoliyatingizda yangi-yangi yutuqlar tilayman.
Quvonchli kunlaringiz ko‘p bo‘lsin, xonadonlaringizdan hech qachon totuvlik, fayz-u baraka, baxt va omad arimasin!
Olim Yusupov,
“Tolimarjon IES” AJ Bosh direktori
“TOLIMARJON IES” AJ BOSH DIREKTORINING 21-OKTYABR – “O‘ZBEK TILIGA DAVLAT TILI MAQOMI BERILGAN KUN” MUNOSABATI BILAN ISHCHI-XODIMLARGA YO‘LLAGAN TABRIGI
Aziz do‘stlar, qadrli hamkasblar!
Har bir millatning millat bo‘lishida, dunyo sahnida o‘z o‘rnini egallashida, avvalo, uning o‘z Ona tili bo‘lmog ‘i lozim. Zero, mustaqillikka erishishimizdan ikki yil oldin, ya’ni 1989-yil 21-oktyabrda o‘zbek tiliga Davlat tili maqomining berilganligining o‘ziyoq yuqoridagi fikrimizga yaqqol misol bo‘la oladi. O‘tgan 33 yil mobaynida tilimiz yanada boyib, dunyo sahnida baralla yangrab kelmoqda.
Bugun dunyoning ko‘plab mamlakatlarida o‘zbek tilida saboqlar olib borilayapti. Bu ham Ona tilimizning zamin uzra keng quloch yozayotganidan dalolatdir. Xususan, O‘zbekiston Respublikasi Prezidenti Shavkat Miromonovich Mirziyoyev BMT Bosh Assambleyasining 75-sessiyasida o‘zbek tilida nutq so‘zlagani o‘zbek tilining jahon maydoniga qo‘ygan dadil qadamlaridan biri bo‘ldi va bu dunyoning ko‘plab siyosiy arboblari, OAV tomonidan munosib e’tirof etildi.
Hurmatli hamkasblar!
Har kuni elga nur ulashishdek mas’uliyatli va sharafli vazifani bajarar ekanmiz, shu o‘rinda bizga ulug‘ ota-bobolarimizdan meros bo‘lib kelayotgan boy Ona tilimizga hurmat hissini hamisha qalbimizda his etib yashaylik.
Bugungi sharafli kun – “O‘zbek tili bayrami” kuni barchangizga muborak bo‘lsin. Ona tilimizda yangragan madhiyamiz doim dunyo sahnida jaranglab tursin.
Olim Yusupov,
“Tolimarjon IES” AJ Bosh direktori.
1 ОКТЯБРЬ – УСТОЗ ВА МУРАББИЙЛАР КУНИ МУНОСАБАТИ БИЛАН “ТОЛИМАРЖОН ИЭС” АЖ БОШ ДИРЕКТОРИНИНГ ТАБРИГИ
Азиз устозлар, қадрли ҳамкасблар!
Бугун мамлакатимизда устозга бўлган ҳурмат ҳар қачонгиданда юқори, уларнинг меҳнатларини муносиб рағбатлантириш, узтоз мақомини кўтариш бўйича ҳам кенг кўламли ишлар олиб борилмоқда. Бугунги кунда бизнинг станциямизда ҳам кўплаб фахрий энергетиклар, ўз ишининг муносиб вакиллари фаолият олиб бормоқда. Улар ўз ҳаётлари давомида кўплаб шогирдлар етиштириб, энергетика соҳаси учун қанчадан қанча малакали ходимларни етказиб бераяпти. Бундай фидойи инсонларни станциямизнинг олтин фонди, жонли тарих, катта бир мактаб, десак ҳеч ҳам муболаға бўлмайди.
Шу ўринда корхонамиздаги ёш мутахассисларга шуни алоҳида таъкидлаган бўлар эдимки, бундай инсонлардан сиз вақтида керакли билимларни олишингиз, уларнинг билганларидан ўзингизга керакли барча билимларни эгаллашингиз лозим. Сизу биз, барчамиз улкан меҳнат тажрибасига эга бўлган узтозлардан ҳар куни бир сабоқ ўргансак, келажакда у инсонларга муносиб вакил бўлиб етиша оламиз.
Қадрли, фахрий устозлар!
Бугун сизнинг фидойилингиз, бой ҳаётий тажрибангиз билан станциямизда олиб борилаётган ишлаб чиқариш жараёнида белгиланган мақсадлар сари дадил қадам босиб бормоқдамиз.
Шу фурсатдан фойдаланиб, Сиз азиз устозларга мустаҳкам соғлик, узоқ умр, хонадонингизга осойишталик тилайман.
Байрамингиз яна бир бора муборак бўлсин, қадрдон устозлар!
Олим Юсупов, “Толимаржон ИЭС” АЖ Бош директори
“ТАЛИМАРЖОН ИЭС” АЖ БОШ ДИРЕКТОРИНИНГ ЎЗБЕКИСТОН РЕСПУБЛИКАСИ МУСТАҚИЛЛИГИНИНГ 31 ЙИЛЛИГИ МУНОСАБАТИ БИЛАН ИШЧИ-ХОДИМЛАРГА ТАБРИГИ
АЗИЗ ДЎСТЛАР,
ҚАДРЛИ ҲАМКАСБЛАР!
Барчамизга аёнки, бугунги озод, осойишта, тинч кунларга етиб келишимиз учун қанчадан қанча ота-бобаларимиз, олиму фузалоларимиз ўзларининг ҳаётларинида фидо этиб кетдилар. Не бахтки, улар кўришни орзу қилган осойишта кунларни кўриш бизга насиб этди.
Шундай экан, биз бу кунларнинг ҳар бир дақиқасини қадрламоғимиз, ўз меҳнатимиз, касбимизга бўлган фидойилигимиз билан Она Ватанимиз мустақиллигининг абадий бўлишида муносиб ҳиссамизни қўшмоғимиз лозим.
Мустақиллик йилларида бизнинг станциямизда ҳам кўплаб ютуқларга эришилди. Айниқса, сўнгги йилларда ходимларимизнинг эришган ютуқлари, уларнинг давлат аҳамиятидаги юксак мукофотларга лойиқ кўрилаётганлиги Янги Ўзбекистонда меҳнат қилган инсон эътиборсиз қолмаслигини яна бир бор исботлаб келмоқда.
Бугун ён-атрофимиздаги мамлакатларда нотинчлик, турли таҳликали вазиятлар рўй бераётганлигини ижтимоий тармоқлар, оммавий ахборот воситалари орқали ҳар куни кузатиб турибмиз.
Шундай экан, Ватанамиздаги тинч кунларнинг қадрига етиб, осойишта ўтган ҳар бир кунимизга шукр қилган ҳолда ҳур Ватанимизнинг мустақиллиги абалий бўлишини ҳар куни дуоларимизда сўрамоғимиз лозим.
Азиз дўстлар!
Барчангизни мустақиллигимизнинг 31 йиллиги билан чин юракдан табриклайман. Юртимиз тинч, хонадонларимиз файзу барокатли, тинчлигимиз абадий бўлсин.
Олим Юсупов,
“Талимаржон ИЭС” АЖ Бош директори.
“ТАЛИМАРЖОН ИССИҚЛИК ЭЛЕКТР СТАНЦИЯСИ” АКЦИЯДОРЛИК ЖАМИЯТИ БОШ ДИРЕКТОРИ ЮСУПОВ ОЛИМ МАРҚАЕВИЧНИНГ
ИЙД АЛ - ФИТР – РАМАЗОН ҲАЙИТИ МУНОСАБАТИ БИЛАН БАЙРАМ ТАБРИГИ
Қадрли ҳамкасблар!
Барчангизни юртимиз мўмин-мусулмонлари, қолаверса, ер юзидаги ислом уммати томонидан кенг нишонланаётган улуғ айём – Рамазон ҳайити билан самимий муборакбод этаман.
Ийд ал-Фитр - оллоҳнинг муқаддас куни, инсонпарварлик, сабр-қаноат, хайру саховат ва шукроналик тимсоли сифатида ота боболаримиз томонидан асрлар бўйи нишонланиб келинаётир.
Рамазон ойи ва ҳайит байрамининг моҳиятида мужассам бўлган меҳр-мурувват, эҳтиёжманд тоифаларга ҳар томонлама кўмак ва ёрдам кўрсатиш, ҳаёт ташвишлари ва муаммоларини биргаликда, ўзаро елкадош бўлиб ҳал этишдек олижаноб қадриятлар айниқса муҳим аҳамият касб этмоқда.
Миллий урф-одат ва анъаналарига содиқ, меҳнаткаш, ва саховатли халқимиз ана шундай юксак фазилатларни яққол намоён этиб, муқаддас Рамазон ойини тинчлик ва осойишталик, ўзаро ҳурмат ва ҳамжиҳатлик муҳитида ўтказгани ҳамда ушбу эъзозли айёмни катта шоду хуррамлик билан кутиб олаётгани унга алоҳида файзу шукуҳ бағишламоқда.
Янги Ўзбекистонни барпо этиш, мамлакатимизда Учинчи ренессанс пойдеворини яратиш, Ватанимиз равнақи, халқимиз фаровонлигини оширишдек эзгу ишларга станциямиз жамоаси ҳам муносиб ҳисса қўшиб келаётганлигини алоҳида таъкидламоқ жоиз.
Ислом – аввало, тинчлик ва дўстлик, аҳиллик ва бирдамлик, билим ва маърифат дини сифатида қалбларимиздан мангу жой олган. Дунёнинг қайси бир бурчагида уруш кетаётган таҳликали замонда биз учун бугунги осуда ҳаётимизнинг қадрига етиш, фуқаролар орасидаги ўзаро ҳурмат, меҳр-оқибат муҳитини янада мустаҳкамлаш муҳим аҳамият касб этади. Диний қадриятларимизни, миллий ўзлигимизни улуғлаб яшаш билан бирга, давр талаби бўлган замонавий илм-фан ютуқлари, ахборот технологияларини эгаллашга алоҳида эътибор қаратишимиз, ёш авлодимизни умуминсоний қадриятлар асосида тарбиялашимиз керак.
Давлатимиз раҳбари томонидан илгари сурилган “Инсон қадри учун” тамойили асосида амалга оширилаётган улуғвор ишларда станциямиз жамоасининг ҳам муносиб ҳиссаси бор. “Яшил макон” умуммиллий лойиҳаси доирасида станциямиз ҳудуди, Нуристон қўрғонида саккиз минг тупдан кўпроқ мевали ва манзаралари дарахт кўчатлари ўтқаздик. Станция ёнидаги ташландиқ майдонни ўзлаштириб. “Нурчилар боғи” ташкил этдик.
Аллоҳ таолонинг марҳамати ёғиладиган ушбу барокатли ва қутлуғ кунда йилнинг ҳар қандай фаслида туну кун ҳушёр ва сергак бўлиб, бор билим ва маҳоратини, катта тажрибасини ишга солиб, станциямизнинг барқарор ишлашини таъминлашда фидокорлик кўрсатаётган, муҳандис-техник ходимларимиз, серғайрат ишчиларимиз, қолаверса, жамиятимизнинг барча аъзоларига эзгу тилакларимини бахшида этаман. Қолаверса, қирқ кундан буён станциямиздаги 1-энергоблокни таъмирлашда фидокорона меҳнат қилаётган барча ҳамкорларимизга ҳам табрикларим ва ўз миннатдорчилигимни билдираман. Янги Ўзбекистонни бунёд этиш, эркин ва фаровон ҳаёт қуриш, нурли истиқболимиз йўлидаги эзгу ишлардан асло чарчаманг!
Азиз ҳамкасблар!
Муқаддас моҳи Рамазонда қилган барча дуоларимиз ва эзгу тилакларимиз ижобат бўлсин! Барчамиз келгуси йилги ҳайитларни ҳам соғу саломатлик, тинчлик-хотиржамлик, шоду хуррамлик билан нишонлаш насибу рўз айласин! Сизларга узоқ умр, тани сиҳатлик, тинчлик-хотиржамлик, бахт-саодат, оилавий тотувлик тилайман. Файзли хонадонингиздан қут барака, шоду хуррамлик аримасин. Фарзанду набиралар иқболи қалбингизга қуёш каби мунавварлик, қувонч бахш этсин. Озод юртимизни, заҳматкаш ва танти халқимизни Яратган ўз паноҳида асрасин! Рамазон ҳайити барчамизга муборак бўлсин!
Қадрли ҳамкасблар!
Барчангизни Энергетика вазирлиги ташкил этилганлигининг 3 йиллиги муносабати билан қизғин табриклаймиз. Мамнуният билан таъкидлаш керакки, вазирлигимиз тасарруфидаги иссиқлик электр станциялари ва иссиқлик марказлари жамоалари мамлакат иқтисодий тармоқларини, аҳолини йил давомида электр энергиясига бўлган эҳтиёжини таъминлашдек масъулиятли вазифани шараф билан уддалаб келмоқдалар.
Йилнинг ҳар қандай фаслида туну кун ҳушёр ва сергак бўлиб, бор билим ва маҳоратини, катта тажрибасини ишга солиб, станциямизни барқарор ишлашини таъминлашда фидокорлик кўрсатаётган, муҳандис-техник ходимларимиз, серғайрат ишчиларимиз, қолаверса, жамиятимизнинг барча аъзоларини бугунги шодиёна билан самимий муборакбод этамиз.
Сизларга узоқ умр, тани сиҳатлик, тинчлик-хотиржамлик, бахт-саодат, оилавий тотувлик тилаймиз. Илоҳим файзли хонадонингиздан қут барака, шоду хуррамлик аримасин. Фарзанду набиралар иқболи қалбингизга қуёш каби мунавварлик, қувонч бахш этсин. Янги Ўзбекистонни бунёд этиш, эркин ва фаровон ҳаёт, нурли истиқболимиз йўлидаги эзгу ишлардан асло чарчаманг! Барчамиз мана шундай шодиёналарда бирга бўлайлик!
“Талимаржон ИЭС” АЖ маъмурияти ва касаба уюшма қўмитаси.
Yangi O'zbekistonni barpo etishdek ulug'vor maqsad yo'lida mehnat qilayotgan barcha olovqalb
yoshlarni “Talimarjon IES” aktsiyadorlik jamiyati rahbariyati va Yoshlar ittifoqi quyi bo'g'ini
nomidan “30 iyun` Yoshlar kuni” munosabati bilan samimiy muborakbod etamiz. Nurli istiqbol
sari dadil odimlar ila borayotgan, islohotlar bardavomligi uchun tashabbuskorlik va
tashkilotchilik namunalarini ko'rsatayotgan tengdoshlarimizga sog'lik, baxt, shijoatkorlik, el-
yurt farovonligi yo'lidagi ezgu ishlariga omad yor bo'lishini tilab qolamiz.
Odilbek OMONOV,
Yoshlar ittifoqi “Talimarjon IES” AJ boshlang'ich tashkiloti yetakchisi